Конспект урока математики

Тақырыбы: Үш таңбалы санды қосу және азайту

Мақсаты:

Білімділік: Оқушылардың үш таңбалы санды қосу және азайту туралы түсініктерін кеңейту. Оқулықтағы берілген есептерді шығара алу тәсілдерін меңгерту.

Дамытушылық: Үш таңбалы санды қосу, азайту машықтарын жетілдіре отырып, қорыту, салыстыра білу, оқу материалымен өздігінен жұмыс істей алу дағдыларын дамыту.

Тәрбиелік. Оқушылардың пәнге деген қызығушылығын ояту, жинақылыққа, жауапкершілікке тәрбиелеу. Өзінің оқушылық міндеттеріне сапалы түрде ықыласпен қарауға мүмкіндік беру.

Сабақтың көрнекілігі: слайдтар, карточкалар, әтештің, күннің суреттері.

Сабақтың барысы

1. Ұйымдастыру

Оқушылардың сабаққа дайындығын, қатысуын бақылау.

1. Психологиялық дайындық.

Атқарамыз әр істі,

Жақсыға біз лайық.

Жауаптылық сезініп,

Уәдеде тұрайық.

2. Үй тапсырмасын тексеру.

III. Жаңа сабақ.

Бүгінгі біздің сабағымыз басқа сабақтардан өзгеше. Біздің сабағымызға асығып тауықтар келе жатыр. Ол балапандарын арбамен әкеле жатыр. Асығып келе жатқанда балапандарын шашып алды. Ал, әтештің үстіне ақ бояу төгіліп, әтеш түссіз болып қалды. Біз көмектесейік, балапандарды жиып, әтешті өз түсіне бояйық.

- Сәлеметсіңдер ме, балалар! Біз ән айтқанды, би билегенді, сурет салғанды жақсы көреміз. Біздің ойынға қызығып кеткеніміз сонша, досымыз әтешке ақ бояу төгіп алғанбыз. Енді не істейтінімізді білмейміз.

Мұғалім: Көмектесеміз бе, балалар? Ендеше достарыңды шақырыңдар.

Кір, әтеш. (музыка ойнап интерактивті тақтада әтеш пайда болады.)

Міне, біз оны бояуымыз керек. Ол үшін біз онымен бірге әртүрлі бояуларға барамыз. Әрбір бояу өз тпсырмасын береді.Егер біз тапсырманы орындасақ, бояу әтешті өз түсіне бояйды.

Сендердің парталарыңда осындай боялмаған әтеш жатыр. Сондықтан, сендер де өз әтештеріңді бояйсыңдар.

-Бүгін біз үш таңбалы санды үш таңбалы санға қосу және азайтуды қайталаймыз.

-Қандай сан? 7

-7 жайлы не білеміз?

7 ата, 7 жарғы, 7 қазына.

Құрамында 7 саны бар үш таңбалы санды қосу және азайту.

IVКөркем жазу

1. Дәптермен жұмыс.

Хормен айтады: Дәптерімді ашамын

Көлбеу етіп қоямын

Қолға қалам аламын

Әсем етіп жазамын.

1. Каллиграфиялық минут. 7 санының жазылуы.Сонымен біз 1-ші түсті бояуға барамыз.

-Қандай түсті бояу? Сары. (Музыка ойнап, сары түс тұрып өлең оқиды.)

Сары күн жерге қарайды,

Күнбағыс күнге қарайды,

Алтын күзде сары жапырақтар,

Ағаштан ұшады.

V. Сары түсті бояу: Теңдеулерді шешіңдер.(2 оқушы тақтада)

Х+215=525

Х-152=100

-Балалар, сендер сары түсті бояудың тапсырмасын орындадыңдар. Қараңдаршы, әтеш қандай болды? Сендер де, осылайша әтешті бояңдар.(Балалар әтештің негізгі бөлігін бояйды)

-Енді, келесі түсті бояуға аттанамыз.

-Қандай түсті бояу? Жасыл.(Музыка ойнап, жасыл түсті бояу тұрып, өлең оқиды)

Біздің бақта,

Жасыл жуа, жасыл қияр өседі;

Терезенің сыртында,

Жасыл алаң,

Сол алаңда ,

Қызыл гүлдер,

Жасыл жапырақ құлпырды.

VI. Миға шабуыл.

1. Жекеленген жұмыс.

Жасыл түсті бояу: 1,2,3 саны бар оқушылар орнынан тұрсын. Осы сандарға сәйкес карточкалармен жұмыс істейміз.

Карточка№1.

625-325, 783-252,

Карточка№2

Сандарды өсу ретімен жаз: 500, 300, 850, 125

Карточка№3

Қалып қойған санды жаз: 40,50,...70, ...90, 100

1. Қалған балалармен ауызша есеп.

-Балалар, сендер жасыл түсті бояудың тапсырмасын орындадыңдар. Әтештің құйрығын бояңдар. Қандай әдемі болды. Келесі түсті бояуға аттанамыз.

-Қандай түсті бояу? Қызыл.(Қызыл түсті бояу тұрып, өлең оқиды.)

Қып-қызыл қызанақ,

Бақшада өседі,

Қызыл гүл құлпырып,

Жанында өседі.

Қып-қызыл алмалар,

Қызарып піседі.

VII. Оқулықпен жұмыс. Қызыл түсті бояу: 1. Оқулықтың ... бетіндегі№...

VIII. Сергіту сәті. Интерактивті тақтадағы сандар туралы өлеңдерді хормен оқиды.

• Жарайсыңдар, қандай әдемі әтеш шықты. Бояңдар.

• Келесі қандай бояу? Көк. (Көк түсті бояу өлеңін оқиды)

Көк теңізде көп балық,

Көп балықты ауладық,

Шаттықпенен оралдық,

Көк аспанға қарадық.

көк түспен әтештің қанатын бояңдар.

X. Қорытынды.

-Не қонаққа келді? Сабақта не өттік?

Рефлексия. Қараңдаршы, қандай тамаша әтеш. Әтештің үстінде күн жарқырап тұр. Не жетпей тұр? Күлімдеген ауызы. Қане, күнге ауызын салайық. Сабақтың соңында сендердің көңіл-күйлерің қандай екен, әркімнің салған аузынан көрейік.